प्यारी दिदी ममता..... !!

Writes: Dipendra Dipzo Khati

हजुर नै ममताको खानी

हजुर नै हाम्रो भूमिको रानी

खै के चड़ाऊँ उपहार हजुरलाई

यै चिया मजदुरको भोको पेट मात्र छ

त्यै नै सुम्पिए ! तोफा कबुल करो.... !

सेतो सारीमा तँपाईलाई देख्दा

मदर टेरेसा नै बिर्सिन्छु

खै के चड़ाऊँ भेटी हजुरलाई

यै डुवर्समा भोकले मरेको लाश मात्र छ

त्यै नै सुम्पिए ! तोफा कबुल करो.... !

हजुर नै हाम्रो मार्गदर्शक

हजुर नै हाम्रो रक्षक

खै के दिऊँ हजुरलाई गुरु दक्षिणा

यै भात्री कटास् मात्र छ

त्यै नै सुम्पिए ! तोफा कबुल करो.... !

हजुर नै हाम्रो पालनहार

हजुर नै हाम्रो अन्नदाता

खै के चड़ाऊँ लगान हजुरलाई

यै काम नलागेको डिग्री मात्र छ

त्यै नै सुम्पिए ! तोफा कबुल करो.... !

प्यारी दिदी ममता

हजुर नै हाम्रो मालिक धनी

हजुर नै हाम्रो जीउनी

खै के अर्पण गरूँ हजुरलाई

यै पानी चुहुने छानो र घोप्टो परेको मानो मात्र छ

त्यै नै सुम्पिए ! तोफा कबुल करो.... !

दर्शन नै काफी छ हजुरको यहाँ

'पहाड़ हाँस्छे ' गीत गाउनलाई

अहोभाग्य हुने थियो मेरो

हजुरको हातको रोटीको टुक्रा पाऊँनलाई

धेरै सकिन हजुर, यै आत्मासम्मान मात्र छ

त्यै नै सुम्पिए ! तोफा कबुल करो.... !

मुर्ख थिए मेरा बाऊ बाजे

खोजी हिँड़े माटो र मान

कायर थिए ती शहीदहरू

ब्यर्थै गुमाए ज्यान

यै साँग्लोमा बाँधिएको प्राण मात्र छ

त्यै पनि सुम्पिए ! तोफा कबुल करो.... !

Share this: